دبئی میں پاکستانی دلہن کو "سونے" میں تول دیا گیا - News Updates

Mechanical Engineering, Jobs,Cricket Live Match, News

Post Top Ad

منگل، 23 مئی، 2023

دبئی میں پاکستانی دلہن کو "سونے" میں تول دیا گیا

   امارات میں بہت سی ہائی پروفائل شادیاں ہوتی ہیں، حال ہی میں دبئی میں مقیم پاکستانی دلہن کی ایک ویڈیو سوشل میڈیا پر وائرل ہوئی جس میں عائشہ طاہر نامی دلہن کو سونے میں تولا جا رہا ہے۔

خلیج ٹائمز کے مطابق دلہن عائشہ طاہر اور دولہا محمد عادل کی کہانی بالی ووڈ کی رومانوی فلم سے کم نہیں۔دلچسپ بات یہ ہے کہ عائشہ نے اسی یونیورسٹی میں تعلیم حاصل کی جہاں پانچ سال قبل عادل نے اپنی تعلیم مکمل کی تھی۔ وہ وبائی امراض کے دوران پڑوسی بھی بن گئے۔ ایسا لگتا تھا جیسے دونوں کا ملنا اور شادی کرنا مقدرمیں لکھا تھا۔

عادل اور عائشہ کی شادی سے چھ ماہ قبل دنیا کے سب سے اونچے ٹاور برج خلیفہ میں منگنی ہوئی تھی۔ پھر ان کے اہل خانہ تفصیلی تصویر اور ویڈیو شوٹنگ کے لیے ترکی کے دلکش مقامات پر چلے گئے۔ تقریبات کا آغاز یاٹ پارٹی سے ہوا، اس کے بعد بالی ووڈ نائٹ، نکاح کی تقریب، مہندی ، بارات اور ولیمہ  ہوا، شادی کی تقریبات  10 دنوں  پر محیط تھیں۔

خلیج ٹائمز نے فیملی سے بات کی تو انہوں نے واضح کیا کہ دلہن کو سونے کی جن سلاخوں میں تولا گیا وہ خالص سونے کی نہیں تھیں بلکہ ان پر سونے کا پانی چڑھا ہوا تھا۔ دولہے کے والد میاں عمر ابراہیم نے بتایا کہ ان کی شادیاں ایسی ہی ہوتی ہیں، عادل اور عائشہ کی شادی میں شاہی خاندان کے افراد سمیت ایک ہزار سے زیادہ مہمانوں نے شرکت کی لیکن دلہن کو سونے میں تولنے کی ویڈیو توقع کے بر خلاف وائرل ہوگئی۔

کوئی تبصرے نہیں:

ایک تبصرہ شائع کریں

Post Top Ad