انتخابات سے بھاگنا اب ممکن نہیں، شیخ رشید

پاکستان تحریک انصاف کے رہنما شیخ رشید کا کہنا ہے کہ امپورٹڈ حکومت کو صرف انتخاب سے بھاگنا ہے جو ممکن نہیں۔

سماجی رابطے کی ویب سائٹ ٹوئٹر پر اپنے جاری کردہ بیان میں شیخ رشید نے کہا کہ ڈیل مکمل ہوگئی، کیس ختم ہوگئے، صرف انتخاب سے بھاگنا ہے جو ممکن نہیں۔سابق وفاقی وزیر نے کہا کہ ڈار اور مفتاح ایک دوسرے کو تعنے دے رہے ہیں، ماری عوام گئی ہے۔ مودی کی ریٹنگ کم ہوگئی۔

شیخ رشید نے مزید کہا کہ 24 اکتوبر نیب کو بتاؤں گا نوازشریف نے بلڈنگ ون ہائیڈ پارک47.5 ملین پاؤنڈ میں بیچی، جس سے برٹش NCA خریدار کے خلاف ایکٹو ہوگیا اور سپریم کورٹ کو مداخلت کرنی پڑی۔

دوسری جانب شیخ رشید نے بول نیوز سے گفتگو کرتے ہوئے کہا کہ اسحاق ڈار کے آنے کے بعد موڈیز نے ریٹنگ کم کردی ہے، ملک جس طرف جارہا ہے دعا کریں اللہ خیر کرے۔