Ban on assembly and PT in all schools of Karachi for one month due to dengue

کمشنر کراچی نے ڈینگی کے بڑھتے ہوئے کیسز کے پیش نظر نوٹیفیکشن جاری

 کردیا جس کے مطابق تمام اسکولوں میں اسمبلی اور پی ٹی ایک ماہ کے لیے معطل رہے گی جبکہ اسکولوں میں طلبا  پوری آستین کی شرٹس پہنیں گے۔ 

اس کے علاوہ اسکول مستقل بنیادوں پر ڈینگی اور ملیریا اسپرے کرانے کے پابندہوں گے جبکہ تمام اسکولوں کے لیے ملیریا اور ڈینگی کے حوالے سے آگاہی سیشن کا انعقاد لازمی ہے۔

نوٹیفکیشن کے مطابق ایس او پیز کا اطلاق تمام تر سرکاری اور نجی اسکولوں پر ہوگا۔

واضح رہے کہ سندھ میں 24گھنٹوں کے دوران 386 افراد میں ڈینگی وائرس کی تصدیق ہوئی ہے  جن میں سے  349 متاثرہ افراد کا تعلق کراچی سے ہے ۔