سپریم کورٹ کی خلاف ورزی،پی ٹی آئی کا الیکشن کمیشن کے فیصلے پر سخت رد عمل

اسد عمر نے الیکشن کمیشن کے ممنوعہ فنڈنگ کیس کے فیصلے پر ردعمل دیتے ہوئے کہا کہ الیکشن کمیشن نے ‏شوق پورا کر لیا ممنوعہ فنڈنگ کیس پر فیصلہ سنا کر۔ 

مرکزی سیکرٹری جنرل پاکستان تحریک انصاف اسد عمر نے ٹویٹ کرتے ہوئے کہا کہ اب قوم جواب مانگتی ہے کے مسلم لیگ نواز اور پیپلزپارٹی کی فنڈنگ رپورٹ کیوں نہیں جا ری ہو رہی ؟ سپریم کورٹ اور ہائی کورٹ کی ہدایت کو پامال کر کے الیکشن کمیشن پی ڈی ایم جماعتوں کو پناہ دے رہی ہے۔

اسلام آباد میں میڈیا سے گفتگو کرتے ہوئے پاکستان تحریک انصاف  کے رہنماؤں نے کہا کہ سمجھ نہیں آتی، ن لیگ، جے یو آئی نے اوور سیز پاکستانیوں کو اپنا دشمن کیوں سمجھ رہی ہیں۔

اس موقع پر فواد چوہدری اور فرخ حبیب نے کہا کہ یہ فارن فنڈنگ کا نہیں بلکہ ممنوعہ فنڈنگ کا کیس تھا، یہ پی ڈی ایم سمیت تمام جماعتوں کے لیے مایوسی کا دن ہے۔ الیکشن کمیشن نے سپریم کورٹ اور اسلام آباد ہائیکورٹ کے فیصلے کو مدنظر نہیں رکھا جس میں تمام سیاسی جماعتوں کے فیصلے ایک ساتھ سنانے تھے جو نہیں ہوا، اس سے ثابت ہے کہ لاڈلوں کو بچانے کی کوشش کی جارہی ہے۔ دونوں رہنماؤں نے مطالبہ کیا کہ الیکشن کمیشن اگر غیر جانبدار ہے تو ثابت کرے کہ مسلم لیگ ن اور پیپلزپارٹی کی فنڈنگ کا فیصلہ بھی کرے، اگر پی ٹی آئی کو ممنوعہ فنڈنگ نیوز کرنی ہوتی تو بینکنگ چینل کر ذریعے نہیں 

بلکہ بیگوں میں بھر کر آتے جس طرح نواز شریف کو اسامہ بن لادن نے بھیجے تھے۔