مونس الٰہی کیخلاف منی لانڈرنگ کا مقدمہ، چوہدری برادران کا بڑا فیصلہ

سابق وفاقی وزیر مونس الٰہی کے خاندان نے ایف آئی کی جانب سے دائر کیا گیا مقدمہ  لاہور ہائیکورٹ میں چیلنج کرنے کا فیصلہ کیا ہے۔

مونس الہٰی  کے وکیل عامر سعید کا کہنا ہے کہ مقدمے سے قبل تحقیقات کرنا ضروری ہے، تفتیش کئے بغیر مقدمہ درج نہیں ہو سکتا، ایف آئی اے کا مقدمہ بدنیتی پر مبنی ہے۔

انہوں نے بتایا کہ چوہدری برادران نےایف آئی اے کے مقدمے کو لاہور ہائیکورٹ میں چیلنج کرنے کا فیصلہ کیا ہے، جس کیلئے جلد درخواست دائر کی جائے گی۔

یاد رہے کہ  ایف آئی اے لاہور نے منی لانڈرنگ کے الزام پر مونس الہٰی کیخلاف مقدمہ درج کیا ہے، جس میں منی لانڈرنگ ایکٹ کی دفعات شامل کی گئی ہیں، مونس الٰہی کے علاوہ نواز بھٹی اور مظہراقبال کے خلاف بھی منی لانڈرنگ کا مقدمہ درج کیا گیا ہے۔