وفاقی وزیر داخلہ رانا ثنا اللہ نے کہا ہے کہ عمران خان کی کارکنوں کو ڈی چوک پہنچنے کی کال توہین عدالت ہے۔
نجی نشریاتی ادارے کے پروگرام میں گفتگو کرتے ہوئے انہوں نے کہا کہ سپریم کورٹ نے پی ٹی آئی کو ایچ 9 میں اجتماع کی مشروط اجازت دی ہے،عمران نیازی کا ریکارڈ ہے انہوں نے عدالتی فیصلے کا احترام نہیں کرنا۔
ان کا کہنا تھا کہ پی ٹی آئی کارکنان نے بلیو ایریا میں درختوں کوآگ لگائی، تحریک انصاف کے کارکنوں نے املاک کو نقصان پہنچایا، شرپسند وقفے وقفے سے پولیس پر حملہ آور ہورہے ہیں۔
وزیر داخلہ نے کہا کہ ریاست کا کام امن وامان یقینی بنانا اور شہریوں کے جان ومال کا تحفظ کرنا ہے۔
انہوں نے کہ کہا کہ پولیس شر پسندوں کو منتشر کرنے کیلئے آنسو گیس استعمال کرنے پرمجبور ہے،سیکیورٹی خدشات کے پیش نظر ڈی چوک کو سیل کردیا گیا ہے۔
.jpg)
کوئی تبصرے نہیں:
ایک تبصرہ شائع کریں